A do ketë luftë nga një Rusi kërcënuese? Duhet të jemi gati, sipas Admiralit Bauer
Admirali i NATO-s Rob Bauer, në seancën e Komitetit Ushtarak në Bruksel, paralajmëroi qytetarët se në 20 vitet e ardhshme mund të presim një luftë me Rusinë.
“Vendet perëndimore duhet të përgatiten për një luftë gjithëpërfshirëse me Rusinë dhe rekrutim në 20 vitet e ardhshme”, paralajmëroi admirali Rob Bauer, i cili u bëri thirrje qeverive perëndimore që të “ngrenë sisteme paraprakisht për të menaxhuar procesin”, raporton The Daily Telegraph.
Meqenëse Rusia praktikisht ka kaluar në një ekonomi ushtarake, ka rritur prodhimin e saj të luftës dhe ka rritur shpenzimet për industrinë e luftës dhe ushtrinë me 40 përqind, zyrtarët e NATO-s janë të shqetësuar.
“Ne duhet të kemi një sistem që do të na lejojë të mobilizojmë sa më shumë njerëz nëse ka një luftë, pavarësisht nëse ajo vjen apo jo, prandaj është e nevojshme të bëjmë pyetje tani për mobilizimin, statusin e rezervës dhe rekrutimin”, vuri në dukje Bauer.
Ai vuri në dukje se Perëndimi duhet të ketë sisteme të përpunuara për “angazhimin e sa më shumë njerëzve” nëse shpërthen lufta dhe se duhet të forcojë industrinë ushtarake dhe të mbushë magazinat.
Sa i përket manovrave të pritshme të NATO-s, më të mëdhatë që pas Luftës së Dytë, ai tha se qëllimi i tyre praktikimi i “përpjekjeve për të zmbrapsur agresionin rus të drejtuar kundër një prej vendeve anëtare të Aleancës”.
Stërvitja pritet të zhvillohet në Norvegjinë veriore, por pjesë e stërvitjes mund të përfshijë Lituaninë dhe Hungarinë. Suedia, e cila nuk është ende një anëtare e plotë e NATO-s, do të marrë pjesë në to edhe pse Turqia dhe Hungaria nuk e kanë ratifikuar ende hyrjen e saj. /tesheshi.com
