Sekretari gjeneral i Bashkesise Fetare Islame te Maqedonise, Irsal Jakupi i cili eshte edhe koordinator i organizimeve per ne Haxh nga Maqedonia dhe aktualisht ndodhet ne vendet e shenjta Islame, njoftoi per Zhurnal se të gjithë haxhilerët e Maqedonisë janë shëndoshë e mirë dhe janë të vendosur në lokacione te sigurta.
Ai pohoi se ne tragjedine e ndodhur sot ne Mina te Arabise Saudite, ne momentet e tragjedise nuk ka pasur asnje shtetas te Maqedonise.
Edhe ish-kreu i Komitetit Shtetëror të Kulteve, Ilir Hoxholli, i cili nga Meka, gjatë një bashkëbisedimi me Top-Channel ka dhënë detajet se si është duke shkuar pelegrinazhi i këtij grupi shqiptarësh pas lajmit për tragjedinë ku humbën jetën 717 pelegrinë.
“Në bazë të infomacioneve që mblodha menjëherë pas lajmit, rruga e cila kishin marrë shqiptarët, nga Minaja deri tek Xhemeratet, është krejt e ndryshme nga vendi i aksidentit, kjo për faktin se haxhinjtë shqiptarë respektojnë rrugën dhe orarin e caktuar nga organizatorët. Ky është një vit i veçantë pasi prej shumë vitesh patëm harruar të dëgjonim për aksidente të tilla. Shprehim keqardhjen për jetët e humbura dhe njëkohësisht falenderojmë mediat për interesimin ndaj nesh. Shpresojmë që mos kemi asnjë lajm të keq për shqiptarët”, ka thënë Hoxholli.
