Sipas dëshmitarëve, policia izraelite ndërpreu energjinë elektrike dhe detyroi palestinezët të dilnin nga Xhamia e Kibles, ku po falnin namazin
Policia izraelite bastisi sërish kompleksin e Xhamisë Al-Aksa në Kudsin Lindor të pushtuar sot herët, transmeton Anadolu.
Sipas dëshmitarëve, policia izraelite ndërpreu energjinë elektrike dhe detyroi palestinezët të dilnin nga Xhamia e Kibles, ku po falnin namazin.
Palestinezët u përpoqën të parandalonin policinë duke mbyllur dyert e xhamisë.
Forcat izraelite dhe kolonët fanatikë hebrenj kryejnë shpesh bastisje në Al-Aksa për të provokuar palestinezët.
Policia izraelite hyri në Mesxhid al-Aksa edhe më 26 mars dhe përdori forcë për të nxjerrë palestinezët që faleshin në Xhaminë Kibla dhe ndodheshin në itikaf dhe arrestoi dy persona teksa ishin në itikaf.
Izraeli pushtoi Kudsin Lindor, ku ndodhet Al-Aksa, gjatë Luftës Arabo-Izraelite të vitit 1967. Ai aneksoi gjithë qytetin në vitin 1980, por ky hap nuk u njoh kurrë nga komuniteti ndërkombëtar.
