Kryeministri Albin Kurti, ka thënë se Forca e Sigurisë së Kosovës po vazhdon ta dëshmojë veten në rrafshin ndërkombëtar.
Ai tha se deri tani ekipet e kërkim-shpëtimit të FSK-ja kanë shpëtua tre qytetarë të mbetur nën rrënoja.
“Forcat tona të armatosura vazhdojnë që ta dëshmojnë vlerën e tyre në skenën ndërkombëtare. Ekipet e kërkim-shpëtimit të FSK-së, që aktualisht operojnë në Turqi, deri tani kanë shpëtuar 3 njerëz të zënë nën rrënoja, përfshirë dy fëmijë”, tha Kurti.
Kreu i ekzekutivit ka falënderuar pjesëtarët e FSK-së për punën që po bëjnë në kuadër të kërkim-shpëtimit.
“Vazhdoni angazhimin tuaj për shpëtimin e jetëve dhe faleminderit që e bëni shtetin tonë krenar”, theksoi ai.
Our armed forces continue to prove their worth on the int’l stage. The KSF search and rescue team currently operating in Turkey has thus far saved 3 people trapped under the rubble—including two children. Keep up your life-saving work, and thank you for making your country proud! pic.twitter.com/3TcYp1em37
— Albin Kurti (@albinkurti) February 13, 2023
