Zgjedhjet në SHBA janë duke u mbajtur sot dhe situata për Demokratët nuk duket edhe aq premtuese.
Më poshtë ju sjellim tre skenarët në të cilat gjërat mund të zhvillohen pas zgjedhjeve, dhe çfarë do të thotë kjo në nivel amerikan dhe ndërkombëtar.
Deri në çfarë mase është e ardhmja e Donald Trumpit dhe jo vetëm e shkuara, këtë do të tregojnë orët në vazhdim, transmeton Telegrafi.
Lëvizja MAGA e Trump ka evoluar nga një fraksion i skajshëm i Partisë Republikane në një forcë dominuese. Më e rëndësishmja, kandidatët e Trumpit në masë të madhe mohojnë rezultatet e zgjedhjeve të 2020 dhe pretendojnë se Joe Biden nuk fitoi në mënyrë të drejtë.
Skenari i parë
Demokratët mbajnë Senatin, por republikanët mbajnë Dhomën e Përfaqësuesve. Në këtë rast, mund të ketë një sërë hetimesh të udhëhequra nga Dhoma e Përfaqësuesve – nga tërheqja nga Afganistani e deri te kufiri meksikan dhe coronavirusi.
Djali i Bidenit, Hunter, mund të përballet me hetim nën dyshimet për mashtrim tatimor. Ekziston një shans i jashtëm që Republikanët të mund të përpiqen të fajësojnë presidentin Biden. Në frontin e klimës, Dhoma e Përfaqësuesve e kontrolluar nga Republikanët, do ta bëjë programin e gjelbër shumë më të komplikuar
Skenari i dytë
Republikanë mbajnë Dhomën e Përfaqësuesve dhe Senatin. Politikanët e Bidenit mund të bllokohen dhe shqyrtohen në çdo hap. Një çështje kyçe për t’u monitoruar, do të ishte mbështetja e vazhdueshme e SHBA-së për Ukrainën. Për ndryshimet klimatike, SHBA në thelb mund të tërhiqet nga çdo program i gjelbër progresiv, që do të ndikonte në mënyrë masive në qëllime globale të klimës.
Skenari i tretë
Demokratët mbajnë Dhomën e Përfaqësuesve dhe Senatin. Ky skenar mund të ringjallë politikat kryesore të ndryshimit të klimës. Gjithashtu, e drejta për abort dhe martesa me të njëjtën gjini mund të kodifikohet në ligj. Përveç progresit në ndryshimin e klimës, mbështetja e përgjithshme për Ukrainën në luftën me Rusinë do të vazhdojë.
Procesi i votimit në SHBA mund të jetë pak konfuz. Nëse nuk jeni të sigurt se çfarë nënkuptojnë zgjedhjet e mesmandatit dhe si zhvillohet votimi, ekspertët e sqarojnë në detaje këtë çështje
Për çfarë po votohet konkretisht?
Të 435 vendet në Dhomën e Përfaqësuesve të Amerikës janë në dispozicion, pasi këtu politikanët shërbejnë vetëm dy vjet.
Demokratët kontrollojnë ngushtë Dhomën e Përfaqësuesve për momentin, por Republikanët kanë nevojë vetëm për një fitim neto prej pesë vendesh për të marrë shumicën.
Në Senat, i cili përbëhet nga 100 vende – vetëm 35 vende janë duke u kontestuar.
Demokratët e kanë aktualisht kontrollin e kësaj, pasi zëvendëspresidentja Kamala Harris ka një votë të ‘thyer’, megjithëse Republikanët kanë nevojë për një fitim neto prej një vendi të vetëm, për të marrë kontrollin.
Ndërkohë, ka 36 gara për guvernator dhe poste të tjera më të ulëta për t’u rrëmbyer – dhe ka gjithashtu iniciativa për fletëvotimet për çështje që përfshijnë qasjen e abortit dhe kontrollin e armëve.
Çfarë do të thotë fitorja e Republikanëve?
Një natë e madhe për Republikanët do të nënkuptonte një fluks politikanësh që kanë përhapur pretendimet e rreme të Donald Trumpit, se zgjedhjet e vitit 2020 ishin vjedhur ose manipuluar.
Kjo do të nënkuptonte gjithashtu se Kevin McCarthy – i cili nuk e ka përjashtuar përpjekjen për të fajësuar Joe Biden – do të bëhej kryetar republikan.
Republikanët ka të ngjarë të hapin një seri hetimesh ndaj Demokratëve, për gjithçka, nga tërheqja nga Afganistani deri tek origjina e COVID-19.
Çfarë do të thotë fitorja e Demokratëve?
Kjo do t’i jepte Bidenit një shtysë ndërsa ai mendon nëse do të kandidojë për rizgjedhje në 2024.
Gjithashtu do t’i jepte atij një shans për të ndërtuar legjislacionin e tij social, shëndetësor dhe të ndryshimeve klimatike, si dhe për të balancuar gjyqtarët e Gjykatës së Lartë me zgjedhjet liberale. /Telegrafi/
