Vetëm dy lugë çaji gjalpë e bën ndryshimin e vërtetë në këtë recetë, duke i shtuar një shije të pasur mollës së ëmbël. Të ngrohura mirë apo të ftohta, ato kanë një shije të përsosur. Ju gjithashtu mund t’i ngrini ato pa e humbur shijen e tyre të shkëlqyer.
1.Bëjeni një vrimë në maje të mollës me thikë apo vegël tjetër. Mos e hapni shumë vrimën deri në fund në mënyrë që mbushja të mos bie jashtë.
2. Hiqjani lëvoren mollës përreth vrimës me një thikë kështu që ajo të ketë më pak gjasa që të plasë.
3. Futeni mbushjen në mollë, duke e shtypur atë në mënyrë të përsëritshme me gishtat tuaj.
4. Hidhni mjaltin, lëngun e limonit dhe përzierjen e lëngut të mollës përreth mollëve. Kjo do të bëhet një salcë shumë e shijshme.
Koha e përgatitjes: 1 orë e 20 minuta.
Recetë për katër persona.
Përbërësit:
4 molla mesatare të freskëta
½ filxhan kafe sheqer të errët
¼ filxhan kafe biskota të bluara
2 lugë gjelle gjalpë
1 lugë kanellë
½ lugë çaji limon
¼ filxhan arra të bluara
½ filxhan lëng molle
2 lugë gjelle mjaltë
1 lugë gjelle lëng të shtrydhur të limonit
Përgatitja:
1. Ngroheni furrën në 250 gradë.
2. Bëjeni veprimin me molla si në fotografitë më lartë.
3. Kombinoni sheqerin, biskotat, gjalpën, kanellën, limonin dhe arrat në një tas mesatar. Përzieni me pirun ose shpatull gome derisa të përzihen mirë. Këtë mbushje e vendosni në vrimën e mollës.
4. Hidhni lëngun e mollës, mjaltin dhe lëngun e limonit në një enë për mikrovalë. Lëreni të ngrohet në mikroval për një kohë prej 30 sekondave. Më pas përzieni mirë dhe hidheni përreth dhe mbi mollët. Mbuloni me foli dhe pjekni për 45 minuta.
5. Piqni derisa mollët të pjeken mjaftueshëm dhe servoni të ngrohta apo të ftohta me pije.
