“Ministrja e Jashtme e Kanadasë, Melanie Joly tha se vendi i saj mbështet të drejtën e popullit palestinez për vetëvendosje
Ministrja e Jashtme e Kanadasë, Melanie Joly tha se vendi i saj mbështet të drejtën e popullit palestinez për vetëvendosje, transmeton Anadolu Agency (AA).
Në njoftimin e Ministrisë së Jashtme palestineze thuhet se ministri i Jashtëm palestinez Riyad al-Maliki dhe ministrja kanadeze Joly zhvilluan një bisedë telefonike.
Me këtë rast, Joly shprehu gatishmërinë për të vazhduar përpjekjet diplomatike për krijimin e kushteve të favorshme për rifillimin e negociatave dhe arritjen e një zgjidhjeje me dy shtete që synon zgjidhjen e çështjes izraelito-palestineze.
Ajo shtoi se në këtë kuptim, Kanadaja mbështet të drejtën e popullit palestinez për vetëvendosje.
Al-Maliki tha se përshëndet përpjekjet e ministres kanadeze për të luajtur rol pozitiv në rajon dhe i bëri thirrje Joly-t të vizitojë Palestinën sa më shpejt të jetë e mundur.
Ministri palestinez i bëri thirrje komunitetit ndërkombëtar, veçanërisht Kanadasë, që të vazhdojë të ushtrojë presion mbi Izraelin.
