Tensionet në veri të Kosovës nuk kanë të ndalur për një javë tjetër.
Serbët në zonë po protestojnë, të pakënaqur me vendimin e autoriteteve të Kosovës për të reprocitet të targave në dy anët e kufirit.
Pikat kufitare Jarinje dhe Brnjak janë ende të bllokuara, ndërsa njësitë speciale të ROSU të Policisë së Kosovës janë në terren.
“Përvoja e gjithçkaje që ndodhi në ish-Jugosllavi na paralajmëron se duhet të jemi shumë të kujdesshëm,” tha Zarko Koraç, ish-zvkryeministër serb gjatë mandatit të Zoran Gjingjiç.
“Unë kurrë nuk mund të them se e gjithë kjo është një lojë politike që do të përfundojë në një lloj kompromisi,” tha Koraç, duke shtuar se targat u diskutuan në Bruksel pesë vjet më parë.
Ai vëren se Vuçiç nënshkroi se një marrëveshje do të arrihej pas pesë vjetësh.
“Dhe kanë kaluar pesë vjet. Kryeministri i Kosovës Albin Kurti tha se zgjidhja e vetme është fillimi i vendosjes së targave të përkohshme në automjetet nga Serbia.
Në një univers tjetër, ku njerëzit janë racionalë, Serbia do të përfitonte nga kjo. Shumë automjete nga Kosova kalojnë vetëm përmes Serbisë sepse Kosova ka shumë punëtorë që punojnë në Evropën Perëndimore. Ata do të blinin karburant, do të paguanin tarifa, Serbia sigurisht që do të kishte ndonjë përfitim ekonomik.
Problemi qendror është Vuçiç, i cili shfaqet në zonën e tretë si mbrojtës i serbëve të rrezikuar. Sigurisht, ai nuk distancohet nga Milorad Dodik, asnjë fjalë e vetme. Në Mal të Zi, përmes Kishës Ortodokse Serbe, është hapur një krizë e madhe. Dhe tani po shfaqet Kosova.
Unë jam i interesuar se kur Vuçiç do të ndalojë prodhimin e krizave. Kjo është një lojë shumë e rrezikshme në planin afatgjatë. Eshtë e qartë se duke prodhuar ose mbështetur krizat, ai dëshiron të promovohet si mbrojtës dhe udhëheqës i madh i serbëve. Në rrethana të tjera, në një kohë tjetër, duhet të them se më kujton disi Slobodan Millosheviçin,” tha Koraç.
Duke komentuar praninë e ambasadorit rus në kufi, Koraç tha se ishte një “një skandal i qartë”.
“Nuk kishte asnjë ambasador tjetër të ndonjë vendi tjetër atje. Kjo, së bashku me deklaratat e ministrit të Jashtëm rus, është një mbështetje e madhe për Vuçiçin. Ata vazhdimisht thonë se kjo krizë është prodhuar nga Kosova. Nëse atje nuk ishte krizë, Rusia vështirë se do të ishte e pranishme në rajon, dhe mbi të gjitha në Serbi. Nëse nuk e ka prodhuar tashmë vetë, Rusia po nxit konfliktin. Sjellja e Rusisë në këtë rast është e qartë dhe publike”, tha Koraç.
Ai beson se nuk ka të ardhme me partinë aktuale në pushtet në Serbi.
“Ne kemi një njeri që gradualisht po kthehet hapur në politikën që ai mbronte për 10 vjet. Ai ishte një anëtar shumë aktiv i Partisë Radikale Serbe dhe sekretar i përgjithshëm i asaj partie. Ai flet gjithnjë e më shumë për rrezikimin e popullit serb nga Mali i Zi, në veri të Kosovës,” tha Korac. /tesheshi.com/
