Kryeministri i Kosovës Albin Kurti, ka takuar sot disa nga anëtarët e listës së iniciativës së përbashkët qytetare “Mitrovica”.
Kurti i ka përgëzuar ata për bashkimin përtej dallimeve jo vetëm partiake në shërbim të interesit qytetar.
Ai ka shprehur nevojën e madhe që të përforcohet pozita e komunitetit shqiptar dhe komuniteteve tjera jo serbe në atë zonë.
Në anë tjetër, kandidati për kryetar të Mitrovicës Veriore Erdem Atiq, i ka kërkuar kreut të ekzekutivit përkrahje.
“Kandidati për Kryetar të Komunës veriore të Mitrovicës Erden Atiq dhe Bartësi i listës Skënder Sadiku duke njoftuar për iniciativën e asaj ane kërkuan përkrahje nga kryetari Kurti sepse, siç u shprehën ata, kjo është hera e parë e një formati të tillë të organizimit, pra të gjitha partitë shqiptare, shoqëria civile dhe Vakati së bashku për një qeverisje lokale ndryshe”.
