Ministri i Jashtëm turk Mevlüt Çavuşoγlu, këtë të shtunë ka përsëritur qëndrimin e ashpër të Ankarasë mbi çështjen e Qipros , ku foli fuqishëm rreth reagimeve ndërkombëtare ndaj vendimit të qeverisë turke për të hapur pjesërisht Varos .
Çavuşoγlu në fjalën e tij shprehet se ndërko,mbëtarët nuk duan një shtet sovran turk.
“Komuniteti ndërkombëtar nuk dëshiron një shtet sovran turk atje. Ata duan që turqit atje të jetojnë si një pakicë e grekëve qipriotë. Ne nuk do ta lejojmë këtë më. Sepse ata panë që ne nuk do ta lejonim atë dhe për ditët e fundit ata filluan të ngrenë zërin e tyre. Pavarësisht nga zhurma që ata bëjnë, ne do të bëjmë vendosmërisht hapat tanë,” tha Z. Tsavousoglou.
Ministri i Jashtëm turk pretendoi se hapja e Varos nuk shkelte të drejtat e pronës si dhe rezolutat e Këshillit të Sigurimit të OKB dhe as ligjin ndërkombëtar.
Ne, si një vend garantues, dhe si një vend nënë, bëjmë detyrën tonë për të mbrojtur të drejtat e “TRNC” si për Mesdheun Lindor ashtu edhe për hidrokarburet.
Ndërkohë, një letër e lëshuar nga Ankaraja bëhet thirrje për çmilitarizimin e ishujve grekë në Egje. Në të, Përfaqësuesi i Përhershëm i Turqisë në OKB Feridun Sinirlioglu deklaron se ishujt janë të vendosur afër brigjeve të Anadollit dhe janë të rëndësishëm për sigurinë e Turqisë. /abcnews.al
