Zëvendës Kryeministri i Turqisë, Yalçın Akdoğan ka reaguar pas miratimit nga Parlamenti Europian të rezolutës në lidhje me ngjarjet e viteve 1915, raporton Anadolu Agency (AA). Akdoğan në fjalën e tij ka thënë se Parlamenti Europian e ka humbur peshën e fjalës së tij me këtë votim, pasi ai tha se nuk diskutohen tema të rëndësishme
Akdoğan e ka bërë këtë deklaratë në rrjetin social Twitter menjëherë pas miratimit të rezolutës nga PE, mbi karakterin e vrasjeve të armenëve në ngjarjet e vitit 1915.
Kutojmë se Parlamenti Evropian të mërkurën ka miratuar një rezolutë që i njeh ngjarjet e vitit 1915, mbi karakterin e vrasjeve të armenëve në këto ngjarje, si “gjenocid”.
Ndërkohë pas miratimit të rezolutës të Parlamentit Europian ka reaguar edhe Ministria e Jashtme e Turqisë, duke e konsideruar këtë rezolutë si “absurde”. Sipas saj, teksti i kësaj rezolute përsërit propagandën anti-turke të Armenisë. Ministria e Jashtme turke në një deklaratë të mërkurën thotë se “teksti absurd” i rezolutës përsërit klishetë anti-turke të propagandës armene, duke e dënuar më forcë këtë votim.
