Procesi i numërimit të votave në të gjithë Shqipërinë ka përfunduar.
Sipas KQZ-së, PS-ja ka arritur të sigurojë 74 mandate në total me 48.81% të votave, PD-ja 59 mandate me 39.54 % të votave, LSI-ja 4 mandate me 6.83 % të votave dhe PSD-ja 3 mandate me 2.25 % të votave.
Sipas informacioneve zyrtare të KQZ-së, në të gjithë Shqipërinë numri total i qendrave të votimit ishte 5199 dhe numri total i zgjedhësve në listë ishte 3.588.869, ndërsa numri i votuesve në qendrat e votimit të numëruara ishte 1.661.885.
Sipas KQZ-së në total 82.998 vota u shpallën të pavlefshme, ndërsa të vlefshme 1.577.820 vota.
