Ai u vra me një thikë të ngulur thellë në gjoks. Për të, ekipi i shpëtimit ishte i panevojshëm, pasi edhe pse u transportua me ambulancë, mbërriti i vdekur mbrëmë në poliklinikën Tor Vergata.
Kështu shkruajnë mediet italiane për Mikel Leskaj, një shqiptar 28-vjeçar që u plagos për vdekje në Mantegna, Zagarolo. Policia nisi menjëherë punën për të hetuar vrasjen, e cila duket një mister i vërtetë. Të paktën tani për tani, nuk ka asnjë të dhënë se përse ai ishte në komunën Castelli.
I riu shqiptar ishte banor në Pistoia dhe natën e fundit ka lënë qytetin në Toskanë për të arritur në Bari, ku ai do të nisej më pas për në Shqipëri. Por përse shkoi më pas në Zagarolo?
Më shumë gjasa, sipas policisë, është që të kishte lënë një takim me dikë, ndoshta me vrasësin e tij. Pista e parë është shtrirë pikërisht në këtë drejtim, i riu mund të ketë pasur probleme ose mund të ketë qenë i përfshirë në ndonjë trafik. Por tani për tani kjo është vetëm një nga shumë hipoteza që kanë ngritur hetuesit, shkruan shekulli.
Ajo që dha alarmin për vrasjen e djalit, ishte e motra e tij, e cila kishte marrë një telefonatë nga vëllai për t’i kërkuar ndihmën e saj. Një kalimtar gjithashtu e kishte parë shqiptarin të ulur në një makinë, të gjakosur dhe pak të vetëdijshëm. Policia është duke kërkuar mes kamerave në zonën ku u vra shqiptari. Deri tani, policia ka në dorë vetëm një krim, pa asnjë motiv, ku vrasësi me sa duket ka avulluar.
