Hipertensioni, ose presioni i lartë i gjakut, është një faktor rreziku për disa kushte shëndetësore, duke përfshirë problemet kardiovaskulare, diabetin dhe çështje të tjera metabolike. Megjithatë, a është presioni i lartë i gjakut gjithmonë shkak për shqetësim? Gjetjet e reja vënë në dyshim këtë supozim
Presioni i lartë i gjakut nganjëherë mund të ketë një efekt mbrojtës. Deri në 75 milionë të rritur në SHBA kanë presion të lartë të gjakut, sipas Qendrave për Kontrollin dhe Parandalimin e Sëmundjeve (CDC).
Çfarë është presioni i lartë i gjakut? Është e vështirë të jepet me saktësi përgjigjja, pasi specialistët ende debatojnë për nivelin e presionit normal të gjakut.
Organizata të ndryshme aktualisht ofrojnë udhëzime të ndryshme mbi presionin e lartë të gjakut.
Për shembull, Instituti Kombëtar i Zemrës, Mushkërive dhe Gjakut shpjegon, se te të rriturit, hipertensioni është një “lexim i qëndrueshëm sistolik i 140 mm Hg ose më të lartë”. Megjithatë, Shoqata Amerikane e Zemrës (AHA) sugjeron që hipertensioni ndodh kur një person ka një presion sistolik të gjakut prej 130 mm Hg ose më lart. Ndërkohë, CDC konsideron njerëzit me presionin e gjakut sistolik prej 120-139 mm Hg si të vetëm “në rrezik” të hipertensionit.
Në përgjithësi, mjekët këshillojnë pacientët e tyre – sidomos të rriturit më të moshuar – të mbajnë monitorimin e presionit të gjakut dhe ta mbajnë atë nën kontroll, për të siguruar që ai të mos arrijë pragun e hipertensionit, të cilin shumë profesionistë të kujdesit shëndetësor e konsiderojnë të jetë një faktor rreziku për sëmundjet e zemrës.
Tani, megjithatë, një studim i kryer nga studiuesit në Charité – Universitätsmedizin Berlin në Gjermani sugjeron që disa njerëz të moshuar mund të mos përballen me probleme të tjera shëndetësore nëse kanë presion të lartë të gjakut. Në fakt, studiuesit vënë re, se disa njerëz në moshë 80-vjeçare mund të kenë përfitime prej tensionit të lartë të gjakut.
Studimi i ri – gjetjet e të cilit janë botuar në revistën European Heart – vëzhgoi një grup prej 1,628 grave dhe burrave me një moshë mesatare prej 81-vjeç. Të gjithë ishin 70 ose më të vjetër kur u bashkuan në vitin 2009, dhe ata të gjithë po ndiqnin trajtimet antihipertension.
Hulumtuesit mblodhën të dhëna për gjendjen shëndetësore të pjesëmarrësve nëpërmjet Studimit të Iniciativës së Berlinit, një projekt kërkimor i Charité. Ata anketuan pjesëmarrësit çdo 2 vjet dhe matën presionin e tyre të gjakut.
Pas gjashtë vjetësh, hulumtuesit kryen një analizë statistikore për të gjetur se si presioni i gjakut mund të ndikonte në rrezikun e vdekshmërisë së një personi. Ata shikuan gjithashtu faktorët potencialë të ngatërruar, të tilla si seksi, mënyra e jetesës, indeksi i masës trupore (BMI) dhe sa ilaçe kundër presionit të lartë të gjakut kishte marrë secili person.
Ata panë se njerëzit e moshës 80-vjeç e më lart që kishin një presion të ulët të gjakut – 140/90 mm Hg ose më pak – kishin një rrezik të vdekshmërisë prej 40 për qind më të lartë sesa ata me presionin e gjakut që tejkalonin ato pragje.
Madje edhe njerëzit të cilët tashmë kishin një sulm në tru ose në zemër paraqitnin një lidhje të ngjashme midis niveleve të presionit të gjakut dhe rrezikut të vdekshmërisë.
Ekipi gjithashtu thekson se njerëzit me presionin e gjakut më të ulët se 140/90 mm Hg kishin një rrezik 61 për qind më të lartë të vdekjes sesa ata me presion të lartë, pavarësisht nga regjimi i tyre antihipertension./KP
