Arrestohen 6 persona të kombësive të ndryshme, në një hark kohor prej 6 ditësh. Arrestimet kanë ndodhur në aeroportin e Canova-s në Treviso të Italisë.
Siç raportojnë mediat italiane, mësohet se në mesin e të arrestuarve ka edhe shtetas shqiptarë, të cilët janë kapur me dokumente të falsifikuara.
Identiteti i tyre nuk bëhet me dije.
Për veç shqiptarëve, personat e tjerë të ndaluar dhe të arrestuar nga zyrtarët e aeroportit janë të kombësive nigeriane dhe kineze.
Mësohet se janë shënuar edhe raste të tjera ku shtetas të ndryshëm me origjinë edhe shqiptare janë ndaluar pasi nuk kanë plotësuar rregullat e lëvizjes “Shengen”. Një pjesë prej tyre janë kapur me mjete të palejuara, përfshirë edhe thika./syri
