Presidenti i Republikës së Kosovës, Hashim Thaçi në New York është takuar me presidentin e Turqisë, Recep Tayyip Erdoğan.
Në takimin kanë qenë të pranishëm edhe ministri i Tregtisë Ruhsar Pekcan, ministri i Shëndetësisë Fahrettin Koca, shefi për marrëdhënie me opinionin në Kabinetin e presidenit të Turqisë, Fahrettin Altun dhe zëvendëskryetari i partisë AKP Cevdet Yilmaz, raporton AA.
Takimi, i mbyllur për media, është mbajtur në hotelin “Peninsula”.
Në New York u mabajt seanca e 73-të e Asamblesë së Përgjithshme të Kombeve të Bashkuara, që njëherit është një rast për shumë takime bilaterale të liderëve botërorë në margjinat e kësaj ngjarje.
Erdoğan sot është takuar edhe me presidentin e Palestinës, Mahmoud Abbas.
Presidenti turk mbrëmë është takuar edhe me kryeministrin e Greqisë, Alexis Tsipras, ndërsa më pas edhe me presidenten kroate Grabar Kitaroviç.
Erdoğan po ashtu ka zhvilluar takime të ndara edhe me presidentin slloven Borut Pahor, presidentin e Francës Emmanuel Macron dhe kryeministren e Britanisë së Madhe, Theresa May.
Takimet janë mbajtur pa praninë e përfaqësuesve të mediave, ndërsa kanë qenë një rast i jashtëzakonshëm për shkëmbim të mendimeve për një varg çështjesh bilateral dhe rajonale.
Presidenti i Republikës së Turqisë, pas përfundimit të seancës së Asablesë së Përgjithshme të OKB-së, udhëton për një vizitë zyrtare në Gjermani.
