Një gjykatë në Turqi vendosi sot të vijojë të mbajë në burg një pastor amerikan, i cili akuzohet se ka mbështetur terroristët gjatë grushtit të shtetit.
Andrew Brunson, një pastor i krishterë nga Karolina e Veriut, që ka jetuar në Turqi për më shumë se dy dekada, nuk ia doli të bindë gjykatën për të rifituar lirinë e tij, çka ka bërë që të thellohet më tej përçarja mes SHBA-ve dhe Turqisë.
Presidenti Donald Trump ka bërë thirrje për lirimin e tij dhe Senati i SHBA miratoi një projekt-ligj muajin e kaluar duke përfshirë një masë që ndalon Turqinë nga blerja e avionëve F-35 Joint Strike Fighter për shkak të burgosjes së Brunson dhe blerjes së sistemit të mbrojtjes ajrore S-400 nga Rusia.
