Njëmbëdhjetë divizione dhe regjimente të forcave të armatosura ruse kanë marrë emra të rinj. Kështu një regjiment quhet sipas qytetit ukrainas Lavov, derisa një tjetër e ka marrë emrin “Zhitomir-Berlin”.
Emra të rinj i janë dhënë njësiteve ushtarake, të cilat janë krijuar viteve të fundit, shkruan RT.
Kështu regjimenti i gjashtë tankist i divizionit të 90 e ka marrë emrin Lavov, sipas qytetit të dikurshëm polak i cili ishte aneksuar nga ana e Ukrainës pas Luftës së Dytë Botërore. Ky veprim mund të jetë provokim ndaj popujve në të dyja anët e kufirit, transmeton Insajderi.com.
Në Poloni një numër i madh i njerëzve ende e konsiderojnë se ky qytet është i tyre, derisa në Ukrainë Lavovin e konsiderojnë si “djep të identitetit kombëtar” dhe theksohet si qyteti më i kulturuar në këtë vend.
Qytetet tjera të Ukrainës emrat e të cilëve janë “vjedhur” nga ushtria ruse janë Zhitomir dhe Njizhin, të cilët gjenden në pjesën qendrore të vendit.
Një regjiment i artilerisë e ka marrë emrin Transilvania, e cila është e njohur jo vetëm si vendlindje e Drakullës por edhe sipas konfliktit shumëvjeçar etnik, e që në fund rezultoi me ankesimin e kësaj pjese nga ana e Hungarisë gjatë luftës.
Një regjiment tjetër e ka marrë emrin Gornji Dnjepar, sipas lumit në Ukrainë.
Këto emërtime janë dhënë sipas një sërë urdhëresash të cilat i ka nënshkruar kryetari rus Vladimir Putin dhe janë publikuar të hënën./insajderi
