Teksa takohej me një pjesë të ekuipazhit të Air Albania, një “bijë” e Turkish Airlines, kryeministri Rama do përballej sërish me një tjetër zë anti-turk nga Amerika, përzgjedhur sërish nga VOA në edicionin e saj shqip, siç profesori i Columbia-s, Davide Pilhips dy javë më parë.
Alon Ben-Meir, një studiues në Qendrën për Çështje Globale të Universitetit të Nju Jorkut, që sipas emrit duket se ka origjinë hebreje, ka kërkuar distancimin e Ramës nga aleanca me Erdogan, duke e përligjur mesazhin e tij me një arsyetim standart.
“Shqetësimi që kemi ne qëndron tek axhenda e Presidentit Erdogan dhe axhenda e tij është të nxisë islamizmin ku të mundet, si edhe rikthimin e një varianti të Perandorisë Otomane dhe ai e ka thënë vetë një gjë të tillë”, tha profesori amerikan.
Sipas tij, axhenda e Erdogan ka synimin që si Shqipërinë ashtu dhe Kosovën, t’i largojë nga Europa për t’i përfshirë nën ndikimin e tij.
Ndërkohë, jo krejt për koinçidencë, Alon Ben-Meir ka publikuar një artikull nën këtë frymë me Arbana Xharrën, gazetaren kosovare të njohur deri për islamofobi, e cila gjithashtu qëndronte krah prof. Philips në mesazhet anti-turke të këtij të fundit.
Në këtë pikë, Alon Ben-Meir është marrë gjithashtu me Xhaminë e Madhe në Tiranë, porsi kolegu i Columbia-s, ku gjithashtu i bashkangjit dhe Aeroportin e Vlorës.
“Ai (Erdogan) po investon shumë në infrastrukturën shqiptare, duke ndërtuar dhjetra xhami. Në fakt ai po ndërton tani xhaminë më të madhe në gjithë Ballkanin. Ai kontrollon bankat më të mëdha. Turkish (Airlines) po ndërton aeroportin më të madh”, është shprehur Alon Ben-Meir.
Nuk dihet nëse Rama do i përgjigjet profesorit të Nju Jorkut, por në rastin Davide Philips i shpërfillimi me etikë të zgjedhur politike këshillat dhe mesazhet e tij anti-turke. /tesheshi.com/
