Mesfushori i Përfaqësues së Kosovës, Milot Rashica, është blerja më e shtrenjtë në histori të Werderit.
Erdhi para katër javësh nga Holanda, pikërisht nga Vitesse Arnheim, por deri më tani nuk ka arritur të tregojë edhe shumë nga talenti i tij.
Ndaj Freiburgut ai luajti vetëm 16 minuta, ndërsa nuk luajti fare me Wolfsburgun dhe Hamburgun.
Por a janë humbur 7.5 milionë euro që u paguan për raketën?
Rashica gjatë një dueli ndaj Schalkes
Sipas Jeroen Kapteijns, ekspert i futbollit holandez, që punon në De Telegraaf, lojtarit duhet t’i ipet kohë.
“Rashica nuk ka nevojë për ndihmë, është investim për të ardhmen”, ka thënë Kapteijns për BILD.
“Kampionati holandez e ka humbur kualitetin, sidomos në vitet e fundit. Miloti duhet të mësohet tani me nivelin e lartë të Bundesligës. Mund të ndodh që të mos e shohim më të mirën e tij deri në sezonin e ardhshëm”.
Rashica në debutimine tij te Werder
Rashica aktualisht sa i përket formacionit mbetet prapa Aron Johannssonit dhe Zlatko Junuzovicit.
Kapteijns beson në kualitetet e Rashicës: “Ai do të bëhet lojtar startues i Werderit. Ai e ka talentin e Marko Arnautovicit. Vetëm se nga mendja është më i qetë (qesh)”.
