Në dhomën e gjumit të fëmijëve nuk duhet të jetë i pranishëm kompjuteri, pasi sjell prishje të gjumit dhe ulje të nivelit të përgatitjes në mësime.
Sipas shkencëtarëve filandezë,shumë fëmijë që luanin në kompjuter apo shihnin TV, flinin pak dhe merrnin nota jo të mira.
Për këtë studim janë pyetur 353 fëmijë të moshës 10-11 vjeç për përdorimin e kompjuterit e më pas i pyetën sërish 18 muaj më vonë. Teija Nuutinen, e Universitetit të Helsinkit, thotë se kompjuterat nuk duhet të jenë të pranishëm në dhomën e fëmijëve.
“Fëmijët e kësaj moshe kanë nevojë për gjumë pasi janë gati për fazën e pubertetit. Duke pasur një kompjuter ata “harrojnë” gjumin, nuk flenë mirë dhe bien në mësime.” /albeu/kohaislame
