Viti i ri akademik për studentët e Universitetit të Prishtinës 2017-2018 fillon sot.
Me këtë rast studentët e rinj , të gjitha njësitë akademike do të organizojnë ceremoni të mirëseardhjes me rastin e këtij fillim viti.
“Rektori i Universiteti te Prishtinës Hasan Prishtina, Marjan Dema, së bashku me menaxhmentin, mësimdhënësit dhe stafin administrativ ju dëshiron studentëve një vit të mbarë akademik”, thuhet në njoftimin për media të UP-së.
Rektori Dema gjithashtu do t’u urojë mirëseardhje studentëve të rinj në Fakultetin e Shkencave Matematike-Natyrore, atyre të Fakultetit të Edukimit si dhe në Fakultetin e Edukimit Fizik dhe Sport.
