Nga Mensur Krasniqi
Njëri ndër gazetarët më kontrovers dhe më nacionalistë maqedonas, i njohur për qëndrimet antishqiptare, Milenko Nedelkovski vazhdon të lëshojë një gjuhë tallëse dhe përçmuese ndaj shqiptarëve si në aspektin kombëtar ashtu dhe fetar.
Kësaj radhe, ai nëpërmjet rrjetit social facebook është tallur me një grua shqiptare të mbuluar e cila shihet duke u futur në liqenin e Strugës me goma krahu për notim.
Kështu, Nedelkovski ka marrë guximin që të publikojë foton e kësaj gruaje dhe e ka shoqëruar me këtë mbishkrim “Sikur Struga nuk ka tjetër”.
Ky status i tij i ka irrituar tejmase opinionin shqiptar në Maqedoni, me çka shihet në komentet të cilat i ka marrë në facebook.
“Rri aty në Rusi, s’ke çfarë kërkën këtu, fashist”, “Si nëna yte ska askund, fashist i keq”, këto dhe të tjera kanë qenë ndër komentet ndaj postimit të tij.
Me këtë postim, sipas komentuesve të ndryshëm, Milenko nuk ka tallur vetëm gratë shqiptare muslimane, por edhe Strugën si qytet me shumicë shqiptare, kjo në kuadër të një rivaliteti me Ohrin, qytet ky i banuar me shumicë maqedone.
“Ky derr gjuan aq larg, sakaq i vjen inat edhe për turrizmin e zhvilluar në qytetin e Strugës”, “Po o fashist” “Si Struga nuk ka tjetër, dhe ju doni me plas, ia kalojmë për turizëm edhe Ohrit”, kështu duken disa nga komentet tjera në adresë të tij.
Në vazhdim kujtojmë edhe disa nga rastet kur Nedellkovski ka vjellur urrejtje tjera ndaj sukseseve të personaliteteve dhe gjegjësisht të popullit shqiptar në përgjithësi.
“Hitleri rrotullohet në varr. Në fotografi është një shqiptar( që Milenko e quan Shipo nga Gostivari) që para disa minutave i dha goll Ukrainasve”, kështu kishte shkruar Milenko Nedellkovski pas golit të shënuar nga Shkodran Mustafi për Gjermaninë kundër Ukrainës në Botëror.
Është dhe komenti tjetër “interesant” i Milenko Nedelkovskit për ndeshjen e futbollit në mes të Shqipërisë dhe Maqedonisë të luajtur para 1 viti në stadiumin ‘Loro Boriçi’ në Shkodër.
Milenko në profilin e tij në Facebook stadiumin e Shkodrës e ka quajtur “Arena e Sllobodan Millosheviçit” duke vazhduar më tej se “na solli fat” dhe federata e Shqipërisë sonte dha një propozim që arena të riemërohet te “Stojançe Angellov”(gjenerali maqedonas në Luftën e 2001-shit në Maqedoni).
Shiu i rrëmbyeshëm aso kohe e detyroi arbitrin që ta ndërpresë lojën në 20 minutat e fundit për të vazhduar loja të nesërmen ku edhe fitoi Shqipëria ndaj Maqedonisë me rezultat 2:1. Poashtu gazetari nuk hezitoi që të thotë se “Ajo e natës së fundit do të luhet sot(për ndeshjen), ndërsa ajo e vitit 2001 do të luhet së shpejti…(duke aluduar në luftën e 2001-shit)”.
Nedellkovski me shumë urrejtje e ka komentuar edhe marrëveshjen mes partive shqiptare për të drejtat e shqiptarëve në Maqedoni( e nënshkruar në Tiranë). Pasi që ka numëruar të drejtat e shqiptarëve, në fund ka kërcënuar popullin shqiptar me luftë të re, ku thotë: “Koburen e ruajmë për ditë të rënda. Mos thashtë Zoti?!”
“-Të pranohen 500.000 refugjatë nga Kosova? Po
-Të mos gjykohen rastet e Hagës? Po
-Të pranohet Kosova? Valla po
-Të hyjë Kosova në FIFA dhe UEFA? Po
-Të hyjë Kosova në UNESCO? Po
-Universitet në shqip? Po
-UÇK me spote për ”Shqipërinë e madhe në RTVM? Po, po
-Ndarje territoriale në Strugë, Kërçovë, Gostivar dhe Shkupi me dygjuhësi? Po.
Po, po, po. Për të gjithë po po… e kjo na kthehet.
Më vjen të vjell! Kryesorja, koburen e ruajmë për ditë të rënda. Mos thashtë Zoti?!”, kishte shkruar Nedellkovski në Facebook. /tesheshi.com/
