Në mesin e emigrantëve të shpëtuar nga Siria dhe Afganistani ka edhe fëmijë
IZMIR (AA) – Në afërsi të brigjeve në Seferihisar, që i takon krahinës turke të Izmirit, u shpëtuan 43 emigrantë kur anija filloi të mbushej me ujë, raporton Anadolu Agency (AA).
Gazetari i AA mëson se emigrantët kanë hipur në një gomone me qëllim që të migrojnë ilegalisht në ishujt grekë.
Ekipet e Rojes bregdetare turke shpëtuan 43 emigrantë, prej të cilëve katër fëmijë.
Emigrantët janë me origjinë nga Afganistani dhe Siria kurse pasi u shpëtuan, anija u përmbyt.
Personat e shpëtuar i janë nënshtruar kontrollit mjekësor dhe do t’i dorëzohen Zyrës lokale për të huaj.
