20.1 C
Pristina
Saturday, June 15, 2024

90 mijë besimtarë falin namazin e taravisë në xhaminë Al-Aksa pavarësisht kufizimeve izraelite

Më të lexuarat

WAFA tha se ishte numri më i madh i besimtarëve që morën pjesë në faljen e namazit në xhaminë Al-Aksa, por një numër i saktë nuk është dhënë për ata që u është mohuar qasja në Al-Aksa

Rreth 90 mijë besimtarë palestinezë kanë falur namazin e taravisë në xhaminë Al-Aksa në Kudsin Lindor të pushtuar, pavarësisht kufizime, raporton Anadolu.

Departamenti i Vakëfeve Islame në Kuds tha se besimtarët morën pjesë në faljen e namazit në natën e gjashtë të Ramazanit.

Agjencia zyrtare palestineze e lajmeve WAFA tha se ishte numri më i madh i besimtarëve që morën pjesë në faljen e namazit në xhaminë Al-Aksa, por një numër i saktë nuk është dhënë për ata që u është mohuar qasja në Al-Aksa.

Izraeli ka kufizuar qasjen e besimtarëve palestinezë në xhaminë Al-Aksa mes tensioneve në rritje në të gjithë Bregun Perëndimor të pushtuar për shkak të ofensivës së vazhdueshme të ushtrisë izraelite në Rripin e Gazës pas një sulmi ndërkufitar të 7 tetorit nga grupi palestinez Hamas, që ka lënë më shumë se 31,400 njerëz të vdekur.

Xhamia Al-Aksa është vendi i tretë më i shenjtë në botë për muslimanët, ndërsa hebrenjtë e quajnë këtë zonë Mali i Tempullit, duke pretenduar se ishte vendi i dy tempujve hebrenj në kohët e lashta.

Izraeli pushtoi Kudsin Lindor, ku ndodhet Al-Aksa, gjatë Luftës Arabo-Izraelite të vitit 1967. Ajo aneksoi të gjithë qytetin në vitin 1980 në një lëvizje që nuk u njoh kurrë nga komuniteti ndërkombëtar.

- Advertisement -spot_img

Më tepër

Të fundit