Të paktën katër persona u vranë dhe 14 të tjerë u plagosën pas një shpërthimi në bazën më të madhe ushtarake amerikane në Afganistan, njoftuan sot zyrtarët.
NATO-ja konfirmoi shpërthimin në aeroportin e Bagramit në krahinën qendrore Parwanit dhe deklaroi se “mbrojtja dhe ekipet mjekësore po i përgjigjen situatës”.
“Identiteti i të vrarëve apo të plagosurve ende nuk dihet”, tha Haxhi Abdul Shukur Quddusi, shefi i qarkut Bagramit, duke shtuar se “ekipet lokale të vëzhgimit nuk lejohen të hyjnë në bazën ajrore pas sulmit”.
Zëdhënësi i talebanëve, Zabihullah Mujahid, tha në Twitter se “grupi ishte përgjegjës për sulmin vetëvrasës dhe se ushtarë të shumtë amerikanë janë vrarë dhe plagosur”, por megjithatë, grupi njihet për pretendime të ekzagjeruara.