Shërbimi i Kardiokirurgjisë është mbyllur në Qendrën Klinike Universitare të Kosovës
derisa Ministria e Shëndetësisë të bëjë një zgjidhje për funksionalizimin e kësaj Qendre. Punonjës të këtij Shërbimi shprehen të pakënaqur me vendimin e ekzekutivit të SHSKUK-së, pasi ata kanë frikën që do të mbesin pa punë.
Por, në SHSKUK thonë se stafin e kanë sistemuar në klinika tjera të QKUK-së derisa të fillojë punën Klinika e Kardiokirurgjisë.
“Nga fillimi i këtij muaji, konkretisht nga data 7 prill 2015, stafi i Shërbimit të Kardiokirurgjisë është shpërndarë nëpër klinika tjera, përveç kryeinfermierit dhe punëtorëve të kompanisë së pastrimit”, thotë për “Zërin” një punonjës i kësaj Klinike, tashmë i sistemuar në një repart tjetër të QKUK-së.kohaislame
