Ministria e Shëndetësisë në Gaza njofton se forcat izraelite kanë bombarduar Qendrën e Dializës Noura al-Kaabi në Beit Lahiya, në veri të Gazës.
Kjo qendër, që ishte pjesë e Spitalit Indonezian, u shërbente mbi 160 pacientëve me insuficiencë renale dhe ishte e vetmja qendër dialize në atë zonë.
Sipas drejtorit të përgjithshëm të Ministrisë së Shëndetësisë, Muneer al-Bursh, sulmi ndodhi pak javë pasi qendra ishte rihapur pas një goditjeje të mëparshme. Pamjet e publikuara prej tij tregojnë buldozerë izraelitë në vendngjarje.
Ministria bëri të ditur gjithashtu se 41 për qind e pacientëve me probleme renale në Gaza kanë humbur jetën gjatë luftës, si pasojë e pamundësisë për të marrë trajtim dhe shkatërrimit të qendrave të specializuara. /mesazhi
https://x.com/M_shebrawy3/status/1929273953161269284?t=N3UsMYTtUD34E43PGZFQiQ&s=19
