27.6 C
Pristina
Sunday, September 26, 2021

Facebook ndalon përmbajtjet e lidhura me talebanët

Më të lexuarat

Platforma e rrjeteve sociale Facebook njoftoi se ka ndaluar llogaritë që u përkasin talebanëve, të cilët facebook i konsideron si organizatë terroriste dhe përmbajtjet që mbështesin talebanët, transmeton Anadolu Agency (AA).

Një zëdhënës i Facebook-ut për BBC tha se talebanët konsiderohen si një organizatë terroriste sipas ligjit amerikan dhe janë të ndaluar të përdorin shërbimet e kompanisë sipas politikave të organizatave të rrezikshme.

Zëdhënësi tha se do të mbyllen llogaritë që u përkasin ose hapen në emër të talebanëve ose përfaqësuesve të tyre dhe do të fshihen përmbajtjet dhe postimet që lavdërojnë grupin në fjalë.

Pasi grupi mori kontrollin e shpejtë të Afganistanit, kompanitë e teknologjisë u përballën me pyetje serioze se si të merren me përmbajtjen e lidhur me talebanët.

Zëdhënësi tha se duke punuar me një grup ekspertësh afganë që flasin gjuhët lokale dhe kanë njohuri për kontekstet lokale, ata u ndihmuan në identifikimin dhe paralajmërimin e çështjeve të reja në platformë.

Duke theksuar se ata nuk marrin vendime për njohjen e qeverive, zëdhënësi nënvizoi se ata ndjekin “autoritetin e bashkësisë ndërkombëtare”.

Zëdhënësi tha se vendimi në fjalë vlen edhe për Instagram-in dhe WhatsApp-in.

Talebanët kanë vite që përdorin platformat e mediave sociale për të përhapur mesazhin e tyre.

/aa/

- Advertisement -spot_img

Më tepër

Të fundit