Akulli i detit në Antarktidë ka arritur nivelin më të ulët historik që nga viti 1970, kur u fillua të matet mbulimi i akullit të detit.
Era dhe ajri më i ngrohtë kanë reduktuar mbulesën e akullit të ujit në vetëm 1.91 milion kilometra katror, sipas matjeve të fundit më 13 shkurt, raporton bbc.
Kërkimet, lundrimet dhe anijet e peshkimit tregojnë një pamje të ngjashme rreth kontinentit, se shumica e pjesëve janë praktikisht pa akull, ndërsa vetëm Deti Weddell dominohet nga një mbulesë akulli.
Vlerësohet se minimumi rekord i këtij viti i akullit të detit është ndikuar nga temperaturat jashtëzakonisht të larta të ajrit në perëndim dhe lindje të Gadishullit Antarktik.
Temperaturat, madje janë një shkallë e gjysmë mbi mesataren, siç është ndryshimi i presionit atmosferik rreth Antarktidës, i cili ndikon në erërat që rrethojnë kontinentin më të ftohtë në botë.
Ndryshe, tre vitet e fundit janë arritur nivele rekorde të ulëta të akullit, të cilat profesionistët i konsiderojnë shumë problematike. /Telegrafi/
