”Nëse je një predikues krishterë që bën thirrje për rindërtimin e Tempullit të Tretë, në një farë mënyre ke humbur gjithë idenë. Kjo është më shumë se apostazi (mohim i besimit). Kjo është sikur të mos dish fare se për çfarë bëhet fjalë në fe, kështu që është e vështirë të besosh se mund të ketë ndonjë udhëheqës të krishterë të shuguruar që shtyn për rindërtimin e Tempullit të Tretë.
Oh, por ka shumë. Ka shumë. Dhe ja vetëm një, ky është Pastori Greg Locke. Dëgjo këtë:
“Rripi i Gazës, i cili tani është prerë nga Izraeli, dhe me të drejtë – ata duhet t’i kishin prerë shumë kohë më parë. Nuk më intereson sa i pandjeshëm mendon se jam ndaj kësaj. Ka gjashtë dyer në këtë kishë, mund të largohesh kur të duash. Ata ua kanë prerë energjinë elektrike, ua kanë prerë ujin. Dhe duhet ta bënin. Tani dëgjo, unë nuk jam për të lënduar askënd që është i pafajshëm, por kushdo që mbështet terrorizmin nuk është i pafajshëm. E kupton këtë? Izraeli duhet ta kthejë Rripin e Gazës në një parking deri këtë kohë javën tjetër. Shkatërroje të gjithën. Ajo që duhet të bëjnë është të evakuohen atje lart në kodër dhe të marrin një raketë të madhe e ta hedhin në erë atë Kupolën e Shkëmbit nga vendi ku ndodhet tani, në mënyrë që të rindërtojmë Tempullin e Tretë dhe të sjellim ardhjen e Jezusit.”
Është e turpshme dhe e pahijshme si një i krishterë amerikan ta dëgjosh këtë, dhe të dish se kjo video është nga disa vite më parë. Ka qenë në internet, askush nuk u lodh ta nxirrte në pah. Shumica e njerëzve as nuk ishin të vetëdijshëm se kjo po ndodhte. Oh, kjo po ndodh patjetër.
Këto janë pikëpamje shumë të zakonshme. Duket e qartë se Mike Huckabee i ka ato, dhe shumë nga sionistët e krishterë si John Hagee. Mendoni se atyre thjesht u pëlqen Izraeli? Jo. Këta janë klerikë, kështu që jeta e tyre është ndikuar nga pikëpamjet e tyre fetare. Cilat janë pikëpamjet e tyre fetare? Epo, sapo e dëgjuat nga Pastori Locke, i cili është një sionist i krishterë mjaft i shquar. Ai nuk është ndonjë i çmendur i vetmuar.
Dhe ja ku është ai me një flamur izraelit që valëvitet pas tij, duke bërë thirrje të rastësishme për dhunë gjenocidale: “Thjesht hidheni në erë, bëjeni parking.” Epo, aty jetojnë dy milionë njerëz; çfarë ndodh me ta? “Ata janë simpatizantë të terroristëve.”
Këtu qëndron e gjithë çështja. Ky nuk është krishterim. Imagjinoni Jezusin duke thënë: “Thjesht vritini të gjithë, janë terroristë.” A ka ndonjë gjë në Ungjill që sugjeron se Jezusi e besonte këtë? Jo, ka shumë që sugjerojnë, në fakt na thonë në terma shumë të qartë, se ai mendonte të kundërtën, natyrisht.
Por pjesa e fundit, “Le të ndërtojmë Tempullin e Tretë dhe të sjellim kthimin e Jezusit”, është një kundërshtim i drejtpërdrejtë i teologjisë kristiane.”
