Edhe sot në ambientet e kishës ortodokse serbe në kampusin Universitar kanë vazhduar punimet për atë që serbët e quajnë “funksionalizim të kishës”.
Këto punime të udhëhequra nga priftërinj e vullnetarë nga komuna fqinje e Prishtinës, Graçanica, janë bërë pa lejen përkatëse të institucioneve të kryeqytetit e të vendit.
Burimet e Koha.net marrin vesh se te kisha kanë dalë anëtarët e Inspeksionit ndërtimor të Prishtinës. Të pranishëm janë edhe pjesëtarët e Policisë së Kosovës.
Deri më tash nuk ka ndodhur asnjë incident.
Nga larg dhe nën hije situatën po e vëzhgojnë pjesëtarët e KFOR-it.
Kisha në kampusin Universitar është ndërtuar në kohën e regjimit të Sllobodan Millosheviqit dhe ajo nga shqiptarët është simbol i një periudhe shtypëse të regjimit të Beogradit.
© KOHA. Të gjitha të drejtat janë të rezervuara.
