Islami i ka kushtuar rëndësi dhe kujdes secilës lëvizje të njeriut, duke e edukuar atë që gjithmonë ta lidhë fatin e Tij me strehimin tek Zoti i Madhërishëm. Mbrojtja e Allahut, për besimtarin, paraqet nevojën elementare dhe thelbësore jetësore. Pa ndihmën e Allahut, njerëzit janë të ceket në arritjet e tyre, në këtë botë dhe në botën tjetër.
Ja pra, edhe atëherë kur njeriu hynë në shtëpinë apo banesën e tij, është shumë mirë që të thotë në formë të lutjes duanë e mësuar nga Muhammedi a.s.
Muhammedi a.s. thotë: “Kur të hyjë njeriu në shtëpinë e tij le të thotë:
ALL-LLAHUMME INNI ESELUKE HAJREL MEVLEXHI VE HAJREL MAHREXHI, BISMIL-LAHI VELEXHNA VE BISMIL-LAHI HAREXHNA VE `ALALL-LLAHI RABBINA TEVEKKELNA”
Përkthimi:
“O All-llahu ynë, të lutemi që hyrja jonë të jetë e mirë dhe dalja jonë të jetë e mirë. Me emër të All-llahut hymë dhe me emër të All-llahut dalim, dhe në Të, që është Zoti ynë, mbështetemi.” (Hadithin e transmeton Ebu Davudi)
(Islampress)
