Zëvendëskryeministri Behgjet Pacolli ka takuar në Adis Abeba të Etiopisë udhëheqës të disa vendeve të Unionit Afrikan, të cilët po marrin pjesë në konferencën e kësaj organizate, njofton zyra e Pacollit.
Sipas këtij njoftimi, zëvendëskryeministri është takuar me presidentin e Tanzanisë, Jakaya Kikwete, dhe ministrin e Punëve të Jashtme të këtij shteti, Bernard Membe.
Gjithashtu, Pacolli është takuar me zëvendëspresidentin e Togos, Koffi Esau, si dhe me ministrat e jashtëm të Kenias, Sychelles, Sudanit Jugor dhe Afrikës së Jugut.
Në të gjitha këto takime, Zyra e tij njofton se Pacolli ka kërkuar njohjen e shtetit të Kosovës, duke theksuar se ky është vendimi më i drejtë dhe që është në pajtueshmëri të plotë me të drejtën ndërkombëtare.koha/kohaislame
