Një protestues izraelit i ka vënë flakën vetes në Tel Aviv gjatë një manifestimi për shtrenjtimin e jetës dhe disa çështjeve të tjera sociale.
Burri, 52 vjeç, është “larë” me benzinë dhe i ka vënë zjarrin vetes duke i shkaktuar plagë të rënda.
Protesta u mbajt për të kujtuar 1-vjetorin e nisjes së demonstratave ndaj problemeve në Izrael. Burri i ka dorëzuar një letër personave që i gjendeshin afër para se të tentonte vetëvrasjen. Aty shkruhej:
“Shteti izraelit më ka vjedhur e më ka lënë trokë. Dy komisione më kanë refuzuar strehimin edhe pse unë nuk jam i aftë për punë pas një infarkti që kam kaluar.”
Rreth 10 mijë protestues marshuan në Tel Aviv të shtunën në një rikthim të protestave për problemet shoqërore që po kalon ky vend. /tch/kohaislame
