Një analizë e publikuar nga kanali izraelit i24NEWS ka zbuluar një valë të gjerë zemërimi ndërkombëtar ndaj Izraelit pas videos së publikuar nga ministri izraelit i sigurisë kombëtare Itamar Ben-Gvir.
Ç
Sipas raportit, analiza është realizuar nga kompania SCOOPER, e cila merret me monitorimin dhe analizimin e reagimeve të përdoruesve në platformat sociale në mbarë botën.
Raporti tregon se pas publikimit të videos së Ben-Gvir, në rrjetet sociale janë regjistruar më shumë se 430 mijë përmendje të emrit të tij, ndërsa reagimet negative ndaj Izraelit kanë kaluar shifrën e 1 milion ndërveprimeve, në dhjetëra gjuhë të ndryshme.
Sipas analizës, shumica e komenteve dhe reagimeve kanë qenë kritike ndaj politikave dhe sjelljeve të autoriteteve izraelite, ndërsa shumë përdorues kanë shprehur zemërim dhe solidaritet me popullin palestinez.
Raporti konsiderohet si një tregues i qartë i rritjes së presionit dhe kritikave ndërkombëtare ndaj Izraelit në hapësirën digjitale, veçanërisht pas përhapjes së videove dhe pamjeve që shkaktojnë debat të madh publik.
Analistët theksojnë se rrjetet sociale janë shndërruar në një arenë të rëndësishme të opinionit global, ku reagimet ndaj ngjarjeve politike dhe humanitare përhapen me shpejtësi dhe ndikojnë drejtpërdrejt në perceptimin ndërkombëtar.
