Trump urdhëron Marinën të qëllojë çdo anije që vendos mina në Ngushticën e Hormuzit

Presidenti i SHBA-së, Donald Trump, tha se ka urdhëruar Marinën amerikane të “qëllojë dhe vrasë” çdo mjet të vogël lundrues që kapet duke vendosur mina në Ngushticën e Hormuzit, ndërsa armëpushimi mes Washingtonit dhe Teheranit vazhdon, transmeton Anadolu

“Kam urdhëruar Marinën e SHBA-së të qëllojë dhe vrasë çdo varkë… që po vendos mina në ujëra”, shkroi Trump në platformën e tij Truth Social, duke shtuar se “nuk duhet të ketë asnjë hezitim” në zbatimin e urdhrit.

Ai pretendoi se e gjithë flota detare e Iranit, e përbërë nga 159 anije, ndodhet “në fund të detit” dhe se çdo mjet që vendos mina do të jetë “varkë e vogël”.

Presidenti amerikan urdhëroi gjithashtu trefishimin e menjëhershëm të aktiviteteve për pastrimin e minave detare për të hapur rrugën detare, të cilën Irani e kishte mbyllur në mënyrë efektive pas fillimit të ofensivës SHBA-Izrael më 28 shkurt.