“Mos e kërcëno, mos e bëj të heshtë- thjesht ktheja shpinën”.
Kjo është një video për të cilën po diskuton Britania.
Studentët e Universitetit të Brunelit vendosën t’i kthejnë shpinën gazetares së Mail Online, Katie Hopkins, e cila ishte ftuar të fliste në auditor.
Ajo do fliste për të ardhmen e shtetit të mirëqenies sociale në 50-vjetorin e universitetit.
Studentët e kishin kundërshtuar praninë e saj në universitet, por vendosën që ajo të ishte e pranishme, por reaguan duke i kthyer shpinën.
Vetë gazetarja, e njohur si një analiste e së djathtës, falenderoi studentët që “e bënë emrin e saj të përflitet kaq shumë”.
“Ne i dërgojmë të rinjtë në universitet të zgjerojnë dijet e tyre- por duket se objektivi i tyre është që të mbyllin mendjen”, tha ajo.
Arsyeja e kësaj revolte studentore duket se janë qëndrimet e saj të ashpra, sidomos ndaj emigrantëve.
Në një rast, ajo tha se emigrantët që kalojnë Mesdheun janë “insekte që po tentojnë të gjejnë një vend të sigurt”.
Guardian e ka vlerësuar veprimin e studentëve si një shembull që i duhet dhënë edhe botës.
Kjo praktikë duhet të sillet edhe tek ne, ngase shumë gazetar nxjerrin vrerë nga gojët e tyre në mënyrë raciste ndaj fesë Islame sidomos dhe çdo gjëje tjetër që lidhjet me Islamin.
