Rritja e presionit mbi Izraelin për të parandaluar katastrofën humanitare
Presidenti turk Rexhep Tajip Erdogan u zotua të enjten të rrisë presionin mbi qeverinë izraelite në ditët në vijim për të parandaluar një katastrofë humanitare në Gaza, raportoi Anadolu.
Gjatë një konference të përbashkët për shtyp me presidentin e Gabonit Brice Clotaire Oligui Nguema, Erdogan përshëndeti hapat e ndërmarrë nga vendet evropiane drejt njohjes së një shteti palestinez, duke i quajtur ato shumë të vlefshme.
“Askush nuk mund të heshtë përballë krimeve në Gaza, ku fëmijët po vdesin nga uria dhe civilët që kërkojnë ushqim po bëhen shënjestër,” tha Erdogan.
Ai theksoi se çdo person me dinjitet dhe dhembshuri është në prag të durimit për shkak të represionit të Izraelit ndaj Gazës.
“Prioriteti ynë është të ofrojmë ndihmë humanitare në Gaza. Jemi të detyruar të bëjmë gjithçka që është e nevojshme për të ndaluar këtë shtypje,” tha Erdogan. /tesheshi.com/
