Ekipet e Mbrojtjes Civile kanë nisur hetimet në vendngjarje dhe po përpiqen të mbledhin eshtrat dhe të përcaktojnë numrin e trupave
Në një magazinë ilaçesh në rajonin Sayyidah Zaynab të kryeqytetit të Sirisë, Damask, janë zbuluar mbetje mortore, raporton Anadolu.
Vazhdojnë punimet për zbulimin e varreve masive dhe kufomave në Siri, pas rrëzimit të regjimit Baath,
Mbetjet mortore që mendohet se i përkasin më shumë se 20 personave, përfshirë fëmijë, u gjetën në një magazinë në zonën Sayyidah Zaynab të Damaskut. Ekipet e Mbrojtjes Civile kanë nisur hetimet në vendngjarje.
Anëtari i Bordit Ekzekutiv të Mbrojtjes Civile Siriane, Ammar Selmo, në deklaratën e tij për Anadolu, tha se kanë nisur një hetim në depon e barërave në rajonin Sayyidah Zaynab.
“Ky vend konsiderohet një depo ilaçesh, por ne gjetëm një depo të ftohtë brenda. Pamë që magazina është shndërruar në një zonë ku ruhen kufomat dhe skelete të kalbura. Ekipet tona po përpiqen të dokumentojnë trupat. Ne po përpiqemi të mbledhim skeletet dhe të përcaktojmë numrin e viktimave”, tha Selmo.
Duke thënë se testet e ADN-së do të kryhen në kufomat më vonë, Selmo tha: “Ky është rajoni Sayyidah Zaynab. Para rënies së regjimit, ky rajon ishte selia e milicisë iraniane. Imagjinoni që një forcë milicie zë një vend dhe i mban kufomat në magazinë. Ne nuk e dimë se çfarë i kanë bërë këtyre kufomave. Nuk e dimë se ku janë arrestuar dhe si janë vrarë”.
/AA/
