Prishtinë, më 4 nëntor 2024Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim veprimtarin dhe aktivistin e shquar të çështjes kombëtare, z. Selatin Novosella.
Gjatë këtij takimi, Myftiu Tërnava dhe veprimtari Novosella, evokuan kujtime nga bashkëpunimi që kanë pasur ndërmjet vete gjatë periudhës së luftës në Kosovë, si dhe për ndihmat e vazhdueshme që ka dhënë Bashkësia Islame e Kosovës për luftën çlirimtare të Kosovës.
Veprimtari Novosella, shfrytëzoi rastin që t’i dhuroi Myftiut Tërnava veprën më të re të tij kushtuar Adem Demaçit, të titulluar “Adem Demaçi – Lëvizja revolucionare për bashkimin e shqiptarëve – programi dhe statuti – Pejë, 1964”, duke e njoftuar gjithashtu se është në përgatitje të kompletit të jetës dhe veprës së Adem Demaçit, e cila do të botohet në 40 vëllime.
Myftiu Tërnava e falënderoi mysafirin për vizitën, duke e përgëzuar atë për librin e tij, e më pas ia dhuroi librin autobiografik “Në kërkim të identitetit”, i cili i kushtohet presidentit Anvar al Sadat.
