Në kuadër të zhvillimeve të fundit që po ndodhin në procesin e dialogut mes Kosovës dhe Serbisë, kryeministri Albin Kurti ka shpeshtuar takimet me zyrtarët evropianë në Kosovë.
Në kuadër të këtyre takimeve, Kurti sot ka takuar shefin e EULEX-it, Lars Gunnar Wigemark.
Kështu ka bërë të ditur Zyra e Kryeministrit përmes një njoftimi për media.
“Me z. Wigemark, kryeministri Kurti diskutoi për zhvillimet e fundit dhe çështje aktuale, me theks te fusha e sundimit të ligjit dhe situatës së përgjithshme të sigurisë në vend”, thuhet në njoftim.
Më tej në njoftim thuhet se Kurti u informua nga Wigemark për zbatimin e detyrave të EULEX-ut në kuadër të mandatit aktual dhe folën për bashkëpunimin ndërmjet institucioneve vendore dhe misionit të EULEX. /Telegrafi/
