Ministri i Infrastrukturës, Fehmi Mujota , me ftesë të homologut të tij Sokol Olldashi po qëndron për një vizitë zyrtare në Shqipëri. Me këtë rast dy ministrat diskutuan gjerësisht për bashkëpunimin midis dy vendeve tona e veçmas në sektorët e transportit dhe insfrastrukturës .
Me këtë rast në emër të Qeverive të të dyja vendeve Mujota dhe Olldashi kanë nënshkruar marrëveshjen për njohjen e ndërsjellë të lejeve të drejtimit për automjete – patentë-shoferëve të shtetasëve të dyja vendeve.
Kjo marrëveshje bëhet në një moment shumë të rëndësishëm pasi përkon me fillimin e sezonit turistik në Shqipëri. Me anë të saj eliminohen pengesat dhe pritjet e gjata të drejtuesëve të makinave të udhëtarëve dhe mallërave, po ashtu kjo marrëveshje do ti lehtësojë edhe mërgimtarët tanë të cilët shfrytëzojnë territorrin e Shqipërisë për pushimet e verës në atdhe.
Mujota e informoi homologun Olldashi edhe për zhvillimet e sektorëve tjerë të transportit pastaj për projektet me rëndësi nacionale, si përfundimin e Rrugës së Kombit dhe fillimin e projektit të autostradës që lidhë Prishtinën me Shkupin, për të cilin tani më Qeveria e Kosovës ka miratuar edhe vendimin mbi formimin e Komisionit ndëministror për imnplementimin e këtij projekti kapital.
Ministri Mujota e siguroi ministrin Olldashi, por edhe opinionin shqiptar se më 27 nëntor do të përfundojnë 60 kilometrat e Autostradës, Vërmicë-Prishtinë.kohaislame
