19 persona janë ende të zhdukur pas shpërthimit në hotelin Saratoga në Havana
Numri i të vdekurve nga shpërthimi i gazit që ndodhi të premten në hotelin në kryeqytetin e Kubës është rritur në 32, thanë autoritetet, transmeton Anadolu Agency (AA).
Tetëdhjetë persona, përfshirë dhjetë në gjendje kritike, u plagosën dhe operacionet e shpëtimit janë duke u zhvilluar pas shpërthimit në hotelin Saratoga në kryeqytetin Havana, tha Ministria e Shëndetësisë.
Nëntëmbëdhjetë persona janë ende të zhdukur, sipas mediave lokale, të cilat raportuan se shpërthimi ndodhi kur rrjedha e gazit rifilloi si pjesë e punimeve të rinovimit të hotelit.
Presidenti kuban Miguel Diaz-Canel tha të shtunën se shpërthimi nuk kishte lidhje me terrorizmin.
I ndërtuar në vitin 1880 dhe që funksionon që nga viti 1933, hoteli me pesë yje Saratoga mbeti i mbyllur për dy vitet e fundit për shkak të pandemisë COVID-19 dhe ishte planifikuar të rihapej më 10 maj.
