Historiani i Holokaustit, mohues i gjenocidit në Srebrenicë

Duhet të mos ketë lidhje akute me realitetin dhe të krahasohet gjenocidi me anulimin e ceremonisë së çmimit. Bërja e një krahasimi kaq grotesk dhe vërtet të pakuptueshëm sugjeron mendimin delirant të një njeriu që e zvetënon egon e tij të madhe, por padyshim shumë të brishtë, në të njëjtën kategori si vrasjet masive”.

Ky është fillimi i një shkrimi nga Menachem Rosensaft, një nga udhëheqësit e Kongresit Botëror Hebre (WJC), në Haaretz-in e njohur izraelit, në të cilin ai flet për Gideon Greif, një akademik izraelit i cili “dikur bëri kërkime të rëndësishme mbi aspekte të kampit nazist të vdekjes Aushvic-Birkenau.”

Rosensaft kujton më tej deklaratat e Greif, i cili, kur Gjermania njoftoi se po rishqyrtonte njohjen e historianit izraelit, tha se “përkujtimi i Holokaustit u sulmua” dhe se vendimi për të mos e shpërblyer atë “do të interpretohej si mohim i Holokaustit”.

Më pas, kur Ministria e Punëve të Jashtme gjermane anuloi njohjen, Greif shqiptoi një analogji edhe më të keqe që kufizohej me blasfeminë: “Kjo është një pikë e zezë për Gjermaninë, ata po vrasin viktimat e Holokaustit për herë të dytë”.

Handke, Greif…

Ai më pas fajësoi “organizatat e Vëllazërisë Islame” për drejtimin e një fushate antisemite, e cila çoi në anulimin e çmimit, shkruan Rosensaft dhe vazhdon:

Asnjë person i arsyeshëm, përveç qarqeve ultra-nacionaliste serbe të Bosnjës, nuk donte të lidhej me të, e aq më pak t’i jepte ndonjë medalje, e gjitha kjo sepse ai kishte ardhur vullnetarisht dhe me zell për të konfirmuar mohimin e gjenocidit rreth qytetit lindor boshnjak të Srebrenicës në korrik 1995.

Autori kujton të gjitha ngjarjet në Srebrenicë në korrik 1995, kur ushtria serbe vrau më shumë se 8,000 boshnjakë dhe sesi forcat serbe të Bosnjës dëbuan me forcë dhe mizorisht afër 25,000 boshnjakë nga ajo “zonë e sigurt” e OKB-së, gra, fëmijë dhe të moshuar”. Rosensaft më pas flet për vendimet e gjykatave ndërkombëtare që përcaktuan se në Srebrenicë ndodhi gjenocid.

“Duke hedhur poshtë kategorikisht këto verdikte dhe fakte, etno-nacionalistët e ekstremit të djathtë nga radhët e serbëve të Bosnjës, si Milorad Dodik, për gati 26 vite fundit kanë hedhur poshtë çdo indikacion se në Srebrenicë ka ndodhur gjenocid. Bashkë me ta, në këtë fushatë jo të shenjtë falsifikimesh, pati edhe përkrahës nga Serbia e më gjerë, si fituesi i çmimit Nobel për Letërsi në vitin 2019, Peter Handke. Dhe pastaj del në skenë Gideon Greif”.

Autori i tekstit në Haaretz shkruan se Republika Srpska emëroi Greif në vitin 2019 në krye të një komisioni “të pavarur” që supozohej të hetonte “vuajtjet e të gjithë popujve në rajonin e Srebrenicës nga viti 1992 deri në 1995”.

Rosensaft thekson se emërimi i Greif nuk ishte befasi sepse ai shpesh kishte ekzagjeruar numrin e viktimave serbe në Luftën e Dytë Botërore dhe në kampin ustash në Jasenovac.

“Sipas Muzeut Përkujtimor të Holokaustit, aty u vranë midis 77,000 dhe 99,000 serbë, hebrenj, romë dhe të tjerë. Vetëm në vitin 2019, Greif e dhjetëfishoi atë numër, duke thënë se ‘të paktën 800,000’ dhe ‘të paktën 700,000’ ishin vrarë në kamp”.

“Në korrik 2021, nën maskën e pseudoshkencës dhe pa asnjë qëllim objektiviteti, Greif dhe komisioni i tij publikuan një raport prej më shumë se 1000 faqesh që mohonte kryerjen e gjenocidit në Srebrenicë. Raporti i Greif është i tmerrshëm dhe jo vetëm që injoron gjykimet e gjera, bindëse dhe të qëndrueshme të ICTY-së, por gjithashtu i përmbahet paturpësisht racionalizimit të vjetër të fajësimit të viktimave për abuzim racor, etnik ose fetar.”

Rosensaft kujton se Greif nuk ka lënë as më të voglin dyshim, prandaj është vënë në vend të parë të komisionit, duke thënë: “Unë jam hebre, e di se çfarë është gjenocidi. Askush nuk mund të më thotë se çfarë është gjenocidi, dhe ky nuk është gjenocid. Dhe ne e dëshmuam atë “, dhe siç tha ai në atë kohë se kishte “jo më shumë se 3714 viktima” në Srebrenicë dhe se ai tani dëshiron ta korrigjojë këtë numër.

“Ju e dini se si ndodh ndonjëherë që një ‘idiot i dobishëm’, për shkak të përmbysjes së situatës, nuk është më i dobishëm, por bëhet një barrë politike gjithnjë e më e rëndë…”, përfundon Rosensaft. /tesheshi.com/