Një dokumentar i ri i televizionit El Xhezire tregon se si të burgosurit në Guantanamo janë torturuar me muzikë, për ti thyer ata moralisht para marrjes në pyetje.
Ky dokumentar i quajtur “Këngët e Luftës” tregon se si agjentët përdorin muzikën e zëshme për orë të tëra e nganjëherë edhe me ditë të tëra për të torturuar të burgosurit.
Kristofer Cerf, kompozitor i njohur i cili ka përgatitur muzikën e tij për filma të ndryshëm thotë se ishte habitur kur kishte kuptuar se këngët e tij po përdoreshin për abuzimin e të burgosurve.
Ai gjatë këtij dokumentari kryen një hulumtim duke folur me ushtarë, psikologë e të burgosur për të gjetur se muzika është përdorur si armë e fuqishme për qindra vjet gjatë marrjes në pyetje të burgosurve por edhe në beteja e raste tjera lufte./mesazhi/kohaislame
