Ish-ambasadori i Maqedonisë në Bruksel, Blerim Reka, njëherësh profesor i së Drejtës Ndërkombëtare ka thënë se pa implementimin e plotë të Marrëveshjes së Brukselit dhe pa ndryshimin e Kushtetutës së saj, Serbia nuk mund t’i hapë negociatat e anëtarësimit me Bashkimin Evropian.
Në një intervistë për ‘Epokën e re’, Reka ka thënë se rruga e anëtarësimit të Serbisë në BE kalon nëpër Kosovë.
Reka ka thënë se BE-ja nuk pranon në gjirin e vet shtete me kufij virtualë, as importim të kontesteve territoriale bilaterale.
Ai ka vlerësuar se njohja e Republikës së Kosovës nga Serbia do të hapë rrugën e anëtarësimit të Kosovës në OKB. /Telegrafi
