“Bombat” nuk do të kenë kuptim nësë “detonatori” nuk janë proceset e montuara politike ndaj shqiptarëve, thotë në një komunikatë të saj Lëvizja për reforma e Ziadin Selës.
“Bombat” e paralajmëruara dhe zbardhjen e një pjese të bisedave mes figurave politike të opozitës apo pushtetit, Lëvizja për Reforma në PDSH i ndjek me vëmendje.
Në komunikatën e Lëvizjes për reforma në PDSH më tej thuhet:
Efekti final i këtyre “bombave’ do të duhej të jetë depolitizimi i institucioneve të së drejtës, në mënyrë që të fillojë rikthimi i besimit të qytetarëve në raport me instituconet. Opinioni shqiptar, aspak nuk është i interesuar të dëgjojë se sa familjarë dhe të njerëzishëm janë Ali Ahmeti dhe Menduh Thaçi me njerëzit e tyre. Ata duan të dijnë se deri në çfarë shkalle arrin imoraliteti i tyre në raport me qytetarin e thjeshtë shqiptar.
Tash e 24 vite e përtej në ish sistem, shantazhet, proceset e montuara politike, krijimin e gjendjes së pasigurisë, institucionet i kanë drejtuar kryesisht ndaj shqiptarëve. Prandaj, “bombat” nuk do të kishin asnjë kuptim në qoftë se opinioni i brendshëm dhe i jashtëm nuk do të dëgjonte prapaskenat e “Monstrës”, “Sopotit”, “Radushës”, “Harun Aliut”, “Brodecit”, “Aferën e armëve”, “Radishanit”, rrahjet e nxënësve e shumë e shumë të tjera.
Burgjet për plotë me shqiptarë, procese të montuara politike vetëm ndaj shqiptarëve, janë tregues se “bombat“ duhet të zbardhin pikërisht të vërtetën e sjelljes së shtetit karshi shqiptarëve. Në të kundërtën, ky skandal do të kuptohet si mjet për rrëzim të një pushteti dhe ardhjen e një pushteti tjetër, me të njëjtët lojtarë politik shqiptarë dhe me një regjim përsëri antishqiptar
