Profesori dhe studiuesi i Islamit zvicerani Tariq Ramadan do të lirohet nga paraburgimi, pas 10 muaj arrestimi. Ai doli sot para gjykatës së Apelit në Paris, për të deklaruar pafajësinë e tij. Kjo ishte edhe dalja e tij publike që kur u burgos para 10 muajve.
“Ku do të arratisem? Çdo gjë po shkon drejt pafajësisë sime. Unë do të qëndroj në Francë dhe do të mbroj nderin dhe pafajësinë time “, tha ai gjatë përpjekjes për të bindur dhomën e hetimeve për kërkesën e tij të katërt për lirim.
Data e saktë e lëshimit ende nuk dihet. 56-vjeçari do të duhet të sigurojë një garanci prej 300,000 € tha avokati i tij Emmanuel Marsigny. Ramadan, gjithashtu do të duhet të dorëzojë pasaportën e tij zvicerane dhe do ti ndalohet të largohet nga vendi, të kontaktojë akuzuesit dhe dëshmitarët e caktuar. Ai do të duhet të raportojë në stacionin e policisë një herë në javë.
Kërkesa e tij e mëparshme për liri u hodh poshtë javën e kaluar nga gjyqtarët, të cilët kishin frikë, ndër të tjera, “rreziqet e presionit” ndaj dy grave, ankesat e të cilave nisën rastin në vjeshtën e vitit 2017 dhe çuan në akuza të dyfishta kundër tij më 2 shkurt .
Tarik Ramadan është i martuar dhe ka katër fëmijë, ai është nip i Hasan al-Banna, një mendimtar dhe aktivist islamist që themeloi Vëllazërinë Myslimane në Egjipt. Ai gëzon një ndjekje të konsiderueshme mes muslimanëve të rinj dhe ka sfiduar kufizimet franceze në veshje që ua bënte muslimanëve.
Ramadani u largua nga profesioni i tij në Universitetin e Oxfordit të Britanisë së Madhe në nëntor, pasi dy gratë e para paraqitën ankesa kundër tij në Francë duke pretenduar përdhunim./KohaIslame.com
