Sot ka nisur një peticion që kërkon rikthimin e Shefqet Krasniqit si imam në Xhaminë e Madhe, ku ishte shkarkuar për shkak të akuzave nga prokuroria.
Më vonë, Shefqet Krasniqi ishte liruar nga të gjitha akuzat që i ishin ngritur.
Peticioni online i inicuar nga Arian Xhezairi për pak orë ka arrritur afër 2.500 nënshkrime dhe ky numër po shkon duke u rritur.
Ballkani.info ka kontaktuar me Bashkësinë Islame të Kosovës(BIK), e cila tha se Krasniqi është profesor në Fakultetin e Studimeve Islame(FSI) dhe nuk mendojmë të bëjnë ndryshime.
“Nuk biem pre e asnjë presioni”, tha ndër tjerash zyrtari i BIK-ut.
Ballkani.info ka kontaktuar më pas me Shefqet Krasniqin i cili tha se do të pranonte të rikthehet në detyrën e tij prej të cilës ishte shkarkuar.
“Po sigurisht që pranoj të kthehem”, tha Krasniqi.
Më tutje, ai komentoi peticionin e nisur për rikthimin e tij si imam në Xhaminë e Madhe.
“Unë kam vëllezër dhe motra nga trojet shqiptare e deri tek Zelanda e Re, të cilët më respektojnë”, përfundoi Shefqet Krasniqi.
Shefqet Krasniqi ishte pjesë e shumë debateve publike në Kosovë. Ai ishte admiruar, por edhe kritikuar për qasjen e tij në interpretimin e Fesë Islame.
